Volve a Liga de Cruceiros Ría de Arousa coa súa quinta regata. Houbo un cambio na folla de ruta, polo que será o Náutico Arousa Norte o que acolla esta nova proba. Está previsto que a competición comece ás 13.30, sempre que as condicións meteorolóxicas o permitan.
Nesta quinta entrega da competición daranse cita as embarcacións que compiten neste circuíto coa posibilidade de que haxa algún cambio na clasificación xeral. O Fixius, do club regata de Galicia, encabeza a táboa no apartado de cruceiro-regata, o camping ría de Arosa, do náutico Arousa Norte, é segundo mentres que a Píllara, de Ribeira, ocupa o terceiro lugar.
En cruceiro o líder é o Orlando, no náutico pobrense, e o sigue na clasificación o Galopín, no náutico de Ribeira, pechando o podio o Thor II, do Arousa Norte. No caso da categoría regata, o Santanas, do club regatas de Galicia, é o líder, mentres que o Moucho do náutico de Ribeira é segundo e pecha os postos de honra o Chispetrén, do náutico da Pobra.
