A Asemblea Local de Cruz Vermella de Boiro impulsa co patrocinio de Jealsa o programa Ludieduca. Dentro desta iniciativa desenvolverase mañá unha plantación de árbores na Serra do Barbanza, concretamente no entorno do miradoiro de A Figueira.
Nesta plantación participarán preto de 125 nenos e nenas de seis centros educativos da comarca: o CEIP Escarabote, de Cespón, Santa María do Castro, Abanqueiro, Pilar Maestú Sierra e Salustiano Rey Eiras.
O alumnado presente nesta iniciativa do programa Ludieduca recibirá unha charla informativa na base do EVA 10 da man do equipo do distrito de Noia. Logo, no miradoiro da Figueira procederase á lectura de manifestos e á plantación de carballos.
