RUEDA AGRADECEU O LABOR DOS SECTORES HOSTALEIRO E TURÍSTICO E A SÚA RESPONSABILIDADE DURANTE A PANDEMIA

O presidente da Xunta, Alfonso Rueda, participou na Gala de Hostalería e Turismo da provincia de Pontevedra, onde recolleu o premio que a organización entregou ao Xacobeo pola promoción turística do Camiño Portugués. No acto, o titular do Goberno galego invitou aos dous sectores a vivir unha década xacobea da man da súa transformación sostible e da súa resilencia e profesionalidade.