A XUNTA SEGUIRÁ IMPULSANDO O PROGRAMA EMPREGA XUVENTUDE, CO QUE O GOBERNO GALEGO BUSCA QUE A MOCIDADE CONTE CON MÁIS OPORTUNIDADES PARA ACCEDER AO MERCADO LABORAL

O presidente da Xunta, Alfonso Rueda, e a conselleira de Promoción do Emprego, María Jesús Lorenzana, asistiron esta mañá á inauguración da Xornada Emprega Xuventude, que reuniu en Pontevedra a mozas e mozos preceptores das axudas do Goberno galego para entrar no mercado laboral e a empresas colaboradoras e contratantes. Nese escenario, o titular do Goberno galego destacou as oportunidades que ofrece o programa Emprega Xuventude para abrir as portas do mercado laboral ao talento da mocidade.