DARÍO CALO, DE XUÑO, DEU O SALTO Á GANDARÍA. CONTA CUN CRIADEIRO DE 40 VACAS PARA O SECTOR CÁRNICO.

É bastante frecuente coñecer a persoas que apostan por abrir un negocio xa sexa no comercio, hostalaría ou restauración, pero non é tan habitual apostar polo sector primario. Si que é certo que nos últimos tempos a xente interésase e ten á gandaría ou á agricultura como alternativa. Darío Calo forma parte deste grupo xa que dende hai pouco conta cun cebadeiro de becerros.