O BNG AMOSA A SÚA PREOCUPACIÓN POLA AUTORIZACIÓN DE AUGAS DE GALICIA AO VERTIDO DE AUGAS RESIDUAIS DA MINA DE SAN FINX, PUBLICADA ONTE POR ESTA ENTIDADE DEPENDENTE DA CONSELLERÍA DE INFRAESTRUTURAS

A Xunta, a través de Augas de Galicia, emitiu onte a resolución de autorización de vertido ao río Pesqueiras de augas residuais depuradas procedentes da Mina de San Finx supeditada ao cumprimento de 18 requisitos e á atención estrita das normas de calidade ambiental. O BNG da comarca Muros-Noia sinalou esta mañá que este anuncio enche de preocupación á entidade polo prexuízo que poden xerar os vertidos na ría.