JEALSA OPTA AO PLAN DE RECUPERACIÓN DO GOBERNO A TRAVÉS DO QUE FINANCIARÍA UN PROXECTO DE ECONOMÍA CIRCULAR.

O delegado do Goberno en Galicia, José Miñones, e a subdelegada na Coruña, María Rivas, visitaron hoxe as instalacións de Jealsa en Bodión. Antes de coñecer de primeira man a actividade que se desenvolve na conserveira mantiveron unha reunión co presidente da firma, Jesús Alonso Escurís, e o alcalde do municipio, José Ramón Romero, na que se expuxeron os proxectos que está a elaborar Jealsa.