A ALIMENTACIÓN SUBIU OS PREZOS UN 11% DESDE MAIO, A TAXA MÁIS ALTA DESDE 1994.

Encher a neveira xa non custa o mesmo que hai uns meses. Nin sequera que hai uns días. A subida constante de prezos, incrementada desde o comezo da invasión rusa a Ucraína, supón un gran esforzo diario no peto dos cidadáns, que xa comezaron a cambiar os seus hábitos de consumo, segundo un estudo realizado pola Unión de Consumidores e Usuarios ( OCU). Segundo o Índice de Prezos ao Consumo (IPC), no mes de maio os alimentos e bebidas non alcohólicas encarecéronse un 11% en termos interanuais, a taxa máis alta desde 1994. O mes pasado, en alimentación as maiores subidas interanuais quedaron reflectidas no aceite de oliva (un 36,5% máis caro que hai un ano), pastas (27,9%), fariñas e cereais (25,5%), os ovos (25,3%) ou o leite enteiro (16,7%).