A empresa Congalsa, firma especializada en alimentación con sede na Pobra do Caramiñal, e Fricosim, compañía pertencente a Congalsa, acaban de certificar o seu sistema de compliance penal e o seu sistema de xestión para previr o soborno. As dúas certificacións foron emitidas pola Entidade de Certificación Bureau Veritas.
As dúas firmas superaron o proceso de auditoría con respecto aos seus procedementos nestas materias. Na mañá de hoxe, o Foor Manager de Bureau Veritas, Jacobo de nóvoa, fixo entrega de ambas certificacións ao director xeral de Congalsa, Luis Miguel Simarro, quen destacou que con estes documentos a empresa da Pobra demostra a súa aposta pola excelencia no desenvolvemento dos seus procesos e procedementos.
O compliance fai referencia ás medidas preventivas que deben adoptar as empresas para evitar a comisión de feitos delitivos ou inapropiados no seu entorno. Co certificado, Congalsa e Fricosim reafirman a súa aposta por establecer boas prácticas internas de xestión, gobernanza, e tolerancia cero cos delitos.
