O xuíz da Audiencia Nacional, Ismael Moreno, admitiu a trámite a querela contra Juan Padín Costas, o patrón do pesqueiro “Vila de Pitanxo” e a empresa armadora, Pesquerías Nores SL por cometer presuntos delitos de encubrimento, falsidade documental e contra os traballadores nas circunstancias que rodearon o naufraxio do pesqueiro no que faleceron 21 dos seus 24 tripulantes en Terranova. O suceso aconteceu o pasado febreiro e agora a causa atópase aberta.
Os avogados das familias das vítimas, os letrados de Ribeira Méndez e Lampón, reclamaban prisión para o patrón, ao igual que a retirada do seu pasaporte. Finalmente o xuíz acordou a retirada do pasaporte de Padín ademais de ter que comparecer os días 1 e 15 de cada mes no xulgado que lle corresponda pola súa residencia. A querela tamén ía dirixida contra Eduardo Rial, sobriño do patrón, sen embargo o xuíz a desestimou polo momento.
Ata o de agora, os indicios dos delitos céntranse nas declaracións do patrón e dos testemuñas, Eduardo Rial e do mariñeiro Samuel Kwesi, que defendes versións contraditorias sobre as causas do naufraxio.
