O CONSELLO DE MINISTROS LIMITA A TRES MINUTOS O TEMPO DE ESPERA TELEFÓNICA NAS CHAMADAS DE ATENCIÓN AO CLIENTE

Tres minutos como tempo máximo de espera nas chamadas aos departamentos de atención ao cliente e un prazo límite de 15 días para que as empresas respondan as reclamacións dos consumidores. O obxectivo da norma, que conta con rango de lei ordinaria, é poñer freo aos abusos nas relacións de consumo na prestación deste tipo de servizos por parte das grandes empresas e mellorar así a protección dos consumidores para garantir os seus dereitos. En caso de incumprimento, as empresas enfrontaranse a multas de ata 100.000 euros para as infraccións máis graves.