A Concellaría do Medio Ambiente da Pobra do Caramiñal amplía o proxecto da compostaxe no municipio coa implantación de tres composteiros comunitarios situados na zona do Castelo (entre o edificio de usos náuticos e as pistas deportivas), do Caramiñal (a carón das pistas de Raquel Fernández Soler) e en Venecia (na contorna do paseo da Xunqueira); un modelo de compostaxe dirixido a persoas residentes en edificios e vivendas unifamiliares sen terreo. Estes estarán xestionados por persoal municipal para controla-lo proceso da compostaxe e o correcto uso por parte da veciñanza. En caso de producirse algunha incidencia puntual como mal olor ou animais roldando, está ó dispor a Área do Medio Ambiente para resolve-la situación na maior brevidade posible.
© 2019, Canal das Noticias do Barbanza