NA PRIMEIRA AUTONÓMICA O CIDADE DE RIBEIRA TUMBOU AO FAVORITO PARA O ASCENSO, AO NEGREIRA E SITÚASE LÍDER LOGO DA DERROTA NA CASA DO UNIÓN FRONTE AO BAIO

Xornada redonda para o Cidade de Ribeira na fase de ascenso á Preferente Norte. Á súa sorprendente vitoria na casa fronte ao Negreira por 1-0, sumóuselle a derrota na casa do Unión, que marchaba por riba deles fronte ao Baio 2-3. Agora son líderes e serían equipo de Preferente. Todo isto dun triunfo moi sufrido na Fieiteira fronte ao favorito ao ascenso, o Negreira. Os de Manuel Ángel saíron ao verde apoiados por centos de afeccionados que abarrotaron as gradas do Anexo para alentar aos seus. Aínda así nos primeiros 45 minutos os visitantes gozaron das mellores oportunidades. Dúas ocasións que non ser por Flori o resultado ao descanso sería de 0-2. A pantera da Mámoa fíxose enorme en dúas intervencións que poden supoñer un ascenso. Xa na segunda metade os locais sentíronse máis cómodos e parecía que a ambos equipos lles servía o empate. Sen embargo, un erro do central do Negreira, deixaba a Abi diante do gardarredes, que desta vez non fallaba e poñía o definitivo 0-1 para deixar ao Cidade de Ribeira líder con 9 puntos, con 5 partidos aínda por disputar.