O CD UNIÓN DEBUTA CON VITORIA FRONTE AO LALÍN (1-0). O TARAGOÑA EMPATOU NA SÚA VISITA AO CORDEIRO (3-3) E O VOLANTES DE BAÑO PERDEU NA CASA FRONTE AO DUMBRÍA (2-5)

A Primeira Autonómica xa comezou para tódolos representantes do Barbanza. Faltaban por facelo o CD Unión no grupo 2A, que venceu ao Lalín pola mínima e o Volantes de Baño que está encadrado no 2B, que saíu goleado 2-5 fronte ao Dumbría. O Taragoña tamén xogou o seu encontro en Cordeiro con empate 3-3.