Feijóo salienta que as obras de mellora nas fachadas dos colexios de Fonseca e San Xerome completarán a renovación do Obradoiro

O presidente da Xunta, Alberto Núñez Feijóo, destacou hoxe que as obras de mellora nas fachadas dos colexios de Fonseca e San Xerome completarán a renovación do Obradoiro, “o punto de encontro máis importante de Galicia e un dos puntos de encontro máis importantes de Europa occidental”, aseverou.
Durante a sinatura do convenio coa Universidade de Santiago de Compostela para levar a cabo ambas actuacións, Feijóo subliñou que, cun prazo previsto de execución de tres meses, as obras incluirán traballos tanto nas cubertas como nos paramentos verticais e na carpintería exterior, co obxectivo de mellorar a súa integridade.