O ‘Atlas da frota de baixura do litoral de Galicia 2000-2018’ fai unha radiografía da frota de artes menores de Galicia coas 20 modalidades de pesca máis importantes

O Atlas da frota de baixura do litoral de Galicia (2000-2018), é un documento que permite contar cunha foto fixa da realidade das distintas modalidades de pesca de artes menores de Galicia e das súas principais especies obxectivo, segundo explicou a conselleira do mar, Rosa Quintana. Esta ferramenta, engadiu, está a disposición do sector e contribuirá a adoptar as mellores decisións na xestión dos recursos así como a conseguir que a actividade se desenvolva de xeito sustentable e rendible.