A Xunta enxalza a traxectoria de cinco mozas e mozos na primeira edición dos premios talento mozo nos eidos da ciencia, o rural, o deporte, a empresa e a cultura e creación.

A lonxa de Ribeira acolleu a entrega de premios Talento Mozo da Xunta, premios que recoñecen a carreira profesional da atleta Ana Peleteiro Brión, do científico Christian Vidal Vides, da especialista en cunicultura Paula Rodríguez Villamayor, do empresario Jorge López Rodríguez e da comisaria e xestora cultural Sara Donoso Calvo.