A Xunta entrégalle a Protección Civil de Lousame un remolque totalmente equipado con material de emerxencias

O tenente de alcaldesa de Lousame, Ramón Martínez, recolleu un remolque totalmente equipado con material de emerxencias para a Agrupación de Voluntarios de Protección Civil de Lousame, de man do director xeral de Emerxencias e Interior, Santiago Villanueva, e o delegado territorial da Xunta na Coruña, Ovidio Rodeiro. Un acto celebrado esta mañá en Vedra e no que se entregaron cinco vehículos pick-up (Cedeira, Carnota, Zas, Carral e Vedra) e sete remolques (Ames, A Pobra do Caramiñal, Cee, Culleredo, Lousame, Oroso e Paderne).