O conservatorio municipal de Noia abre mañá venres o “Xuño musical 2019” cun concerto na rúa do Curro que reunirá a 200 persoas

O alumnado do conservatorio municipal de Noia “Felipe Paz Carbajal” ofrecerá catro concertos gratuítos e abertos a toda a veciñanza dentro do programa “Xuño musical 2019”, que se iniciará mañá venres 7 de xuño cun gran concerto ás 21:00 horas na rúa do Curro. Unha actuación na que participarán os alumnos da banda, orquestra e coro do conservatorio noiés, así como o alumnado do Colexio Alexandre Rodríguez Cadarso, dirixidos por Santiago García Nieto, e a Coral Polifónica de Noia.