Máis de corenta concellos contarán con servizo de normalización lingüística co financiamento da Deputación da Coruña


A Área de Normalización Lingüística da Deputación da Coruña recibiu un total de 33 solicitudes na liña de axudas destinada á creación, mantemento e reforzo dos servizos de normalización lingüística polas que se atenderá a un total de 47 concellos da provincia. Xunto coas solicitudes individuais, dez concellos optaron por compartir o servizo, como acontece con Dumbría e Muxía, Abegondo e Coirós, Fisterra e Corcubión, A Baña e Negreira, Carnota e Mazaricos ademais de Rois e Dodro.