O Concello de Noia incrementa a tradicional plantación de flores de temporada con motivo do 850 aniversario

O Concello de Noia está a acometer as tradicionais actuacións de ornamentación floral previstas para a temporada de primavera e verán. Unha iniciativa que este ano “ten como novidade a colocación de xardineiras con flores colgantes nas farolas e que xa poden verse en distintos puntos da vila coma nos malecóns ou nas rúas de Galicia ou Ferrador”, explica a concelleira de Parques e Xardíns, Mariola López Cierto.